21 marsa 1931

Teraka tao Ambavahadimitafo, teto Antananarivo Ratsimandrava Richard.

Zanak’Itl Ratsimandrava (Professeur Assistant) sy Itv Rasoanindrina

Nanambady an-dRazafindramoizana Thérèse tamin’ny 22 septambra 1956

Manan-janaka enina

Fianarana nataony :

= 1938 : Sekoly Ambavahadimangatsiaka Antsirabe

= 1940 : Lycée Galliéni, nanomboka 9^ème hatramin’ny Terminales Baccalauréat Mathématiques Elémentaires (5 jolay 1952) tao Andohalo Antananarivo

= 1952 – 1954 :Lycée Carnot Dijon nanao corniche, fanomanana ny fifaninanana hidirana ao Saint-Cyr (laharana 210)

= 1954 – 1956 : nianatra tao amin’ny Ecole spéciale militaire interarmes de Saint-Cyr-Coetquidan

Fisondrotana tamin’ny asa :

= 1 Oktobra 1956 : Sous-Lieutnant niofana tao amin’ny Ecole d’application de l’infanterie de St Maixent France

= 9 Desambra 1956 : niatrika ady tany Maroc : Oujda, Taourirt, Meknès

= 6 Avrily 1958 : niatrika ady tany Algérie

= 1 Oktobra 1958 : nasondrotra ho Lietnà

= 5 Janoary 1959 : Mpampianatra tao amin’ny Centre d’instruction des nouvelles recrues tao amin’ny Camp Galliéni tany Fréjus (France)

= 14 Jolay 1959 : Porte-drapeau nitondra ny saina malagasy tamin’ny matso lehibe natao tany Paris

= 27 Oktobra 1959 : niverina taty Madagasikara

= 28 Oktobra 1959 : Mpampianatra tao amin’ny Centre d’instruction des nouvelles recrues tao Beravina Fianarantsoa. Nanao famelabelarana momba ny Zon’olombelona noho ny tsindrihazolena natao tamin’ireo miaramila zazavao ary nampahafantatra azy ireo ny zony.

= 11 Jona 1960 : voatendry ho Mpifehy ny Holafitra faharoa, 1er Régiment Interarmes Malgache Antananarivo

= 1 Febroary 1962 : nasondrotra ho Kapiteny

= 1 Novambra 1962 : voatendry tao amin’ny Zandarimaria nasionaly

= 1 Oktobra 1963 : niofana tao amin’ny Sekoly Manamboninahitra Zandary, Melun France

= 18 Jolay 1964 : niverina indray eto Madagasikara ary izy no Manamboninahitra Zandary malagasy voalohany

= 1 Septambra 1964 : voatendry ho Lefitry ny Commandant du Groupement de la Gendarmerie tany Toamasina

= 1 Janoary 1965 : nasondrotra ho Chef d’Escadron, Commandant du Groupement de la Gendarmerie nationale tany Toamasina

= 1 Aogositra 1967 : notendrena ho Lefitry ny Komandy Ambony tao amin’ny Zandarimaria nasionaly

= 1 Jiona 1968 : nasondrotra ho Lietnà Kolonely

= 1 Avrily 1969 : notoloran’ny Filohan’ny Repoblika Voalohany Philibert Tsiranana ny Fanevan’ny Komandy ambony ao amin’ny Zandarimaria

= Avrily 1971 : nampitsahatra ny fifampindrafiana noho ny fikomiana tany Atsimo ary namitrana fampihavanana tany nandritra ny iray volana mahery

= 13 Mey 1972 : nolazaina ho mikomy tamin’ny Fanjakana mpitondra tamin’izany raha nanohitra ny fitifirana ny Mpianatra tamin’ny Raharaha 13 Mey 1972

= 25 Mey 1972 : notendrena ho Minisitry ny Atitany, sady Komandin’ny Zandarimaria nasionaly, tao amin’ny Governemantan’ny Jeneraly Ramanantsoa Gabriel

= 1 Janoary 1973 : nasondrotra ho Kolonely

= Marsa 1973 – Desambra 1974 : Minisitry ny “Alaolana” no niantsoan’ny Fokonolona azy, fa nahazo namosa-kevitra an-kalalahana tao amin’ny Radio Madagasikara ny vahoaka nifanakalo hevitra mivantana taminy nanerana ny Nosy, ary nisy ny fahalalahana tanteraka koa teo amin’ny fanaovan-gazety:

- fananganana ireo rafitra mifehy ny fitondrana ny vahoaka

- fifidianana ireo ambaratonga samihafa

= 23 Janoary 1975 : noravan’ny Jeneraly Ramanantsoa Gabriel ny Governemantany

= 5 Febroary 1975 : notoloran’ny Jeneraly Ramanantsoa ny “Fahefana feno” hitondra ny Tany sy ny Fanjakana, ho Filoham-panjakana Lehiben’ny Governemanta, Minisitry ny Fiarovam-pirenena sy ny Tetipivoarana

Talata 11 Febroary 1975, 8 ora alina : maty voatifitra niaraka taminy ireo Mpiambina azy GP2 Rabotovao Samuel sy GP2 Rakotoarisoa Bernard, tao Ambohijatovo Atsimo, raha namonjy fodiana ny Filoha taorian’ny Fivorian’ny Minisitra faha efatra tao Anosy.